वरोरा शहर काँग्रेस ओबीसी सेलच्या अध्यक्षपदी अभय ठावरी यांची निवड

 वरोरा शहर काँग्रेस ओबीसी सेलच्या अध्यक्षपदी अभय ठावरी यांची निवड

(वरोरा प्रती)भारतीय राष्ट्रीय काँग्रेस  पक्षाच्या वरोरा शहर ओ.बी.सी.  विभाग अध्यक्षपदी अभय वामनरावजी ठावरी यांची नियुक्ती करण्यात आली आहे. त्यांच्या या निवडीमुळे वरोरा शहरातील काँग्रेस कार्यकर्त्यांमध्ये आणि ओ.बी.सी. समाजात आनंदाचे वातावरण पसरले आहे.

अभय ठावरी यांचे पक्षाप्रती असलेले समर्पण, त्यांचे संघटन कौशल्य आणि समाजातील सर्व घटकांशी असलेले त्यांचे सलोख्याचे संबंध लक्षात घेऊन पक्षश्रेष्ठींनी त्यांच्यावर ही महत्त्वाची जबाबदारी सोपवली आहे.

अभय ठावरी यांच्या निवडीनंतर राजकीय व सामाजिक स्तरातून त्यांच्यावर अभिनंदनाचा वर्षाव होत आहे. “त्यांचे खंबीर नेतृत्व, उत्तम संघटन कौशल्य आणि समाजाप्रती असलेली बांधिलकी निश्चितच पक्षाला व ओ.बी.सी. विभागाला एक नवी दिशा देईल,” असा विश्वास काँग्रेस पक्षाच्या वरिष्ठ नेत्यांनी व कार्यकर्त्यांनी व्यक्त केला आहे.

त्यांच्या या नियुक्तीबद्दल त्यांचे मनःपूर्वक अभिनंदन करण्यात येत असून, त्यांच्या नेतृत्वातून समाजहिताचे व जनसेवेचे कार्य अधिक जोमाने घडो, अशी सदिच्छा व्यक्त केली जात आहे. त्यांच्या पुढील राजकीय व सामाजिक वाटचालीसाठी आणि भावी कार्यास असंख्य कार्यकर्त्यांनी व हितचिंतकांनी  शुभेच्छा दिल्या आहेत.